शासकीय अभियांत्रिकी व संशोधन महाविद्यालय, अवसरी येथे ७१ वा प्रजासत्ताक दिन २६ जानेवारी २०२० मोठ्या जल्लोषात साजरा झाला. कार्यक्रमाचे प्रमुख पाहुणे म्हणून महाविद्यालयाचे प्राचार्य डॉ.ए.एस.पंत यांनी ध्वजारोहण केले. ध्वजारोहणानंतर सर्व विद्यार्थ्यांनी राष्ट्रगीताचे गायन केले. राष्ट्रीय सेवा योजनेच्या (एन. एस. एस. ) विद्यार्थ्यांनी परेड केली. श्री यशोधन चव्हाण यांनी “ भारतीय संवीधान” बाबत सर्व उपस्थित विद्यार्थी, शिक्षक व शिक्षकेतर कर्मचारी यांना माहिती दिली. तसेच याप्रसंगी संस्थेच्या विद्यार्थ्यांनी “भारतीय संविधान” संबधी व समाजप्रबोधन वर पथनाट्य सादर केले. भारत माता की जय, वंदे मातरम् या घोषणांनी परिसर दुमदुमून गेला. वैष्णवी उपासणे हिने ‘ ए वतन, ए वतन ’ हे गीत सादर करून सर्वांना मंत्रमुग्ध केले. त्यानंतर कबड्डी, हॉलीबॉल स्पर्धेने कार्यक्रमाची सांगता झाली. सदरील संस्थेतील कार्यक्रम जिमखाना प्रमुख यांचे मार्गदर्शनाखाली घेण्यात आले. या कार्यक्रमास संस्थेतील विभागप्रमुख ,अधिकारी ,कर्मचारी ,विधार्थी व मोठ्या संख्येने उपस्थित होते. श्री यशोधन चव्हाण याने कार्यक्रमाचे सूत्रसंचालन केले.